Një ngjarje tragjike ka ndodhu në Toronto, ku një shtetas shqiptar ka humbur jetën pas një të shtëneje me armë zjarri. Viktima, i identifikuar si Paulin Harusha, 43 vjeç, me origjinë nga Shkodra dhe baba i dy fëmijëve, u gjet i pajetë në zonën e North York.
Sipas policisë, ngjarja ndodhi pak para mesnatës në sheshin mes Victoria Park Avenue dhe Sheppard Avenue East. Oficerët e policisë dhe stafi mjekësor mbërritën menjëherë në vendngjarje, por pavarësisht përpjekjeve, Harusha u shpall i vdekur.
Inspektori Jonathan Rose konfirmoi se ky është rasti i 31-të i vrasjes për vitin 2025 në qytetin e Torontos, një fakt që reflekton rritjen e dhunës me armë në disa pjesë të qytetit. Hetuesit kanë bërë të ditur se të dyshuarit u larguan nga vendngjarja me një makinë tip SUV me ngjyrë të çelët.
Policia po punon intensivisht për identifikimin dhe kapjen e autorëve të këtij krimi.
