Një ngjarje tragjike ka ndodhur dje pasdite në Pejë, ku një burrë mbi të 50-tat ka humbur jetën, në një rast që dyshohet të jetë vetëvrasje.
Sipas informacioneve paraprake, viktima dyshohet se ka qëlluar veten me një pushkë të gjatë në banesën e tij. Motivi i ngjarjes ende mbetet i paqartë.
Prokurori i Krimeve të Rënda në Pejë, Ersan Qavolli, konfirmoi se ai dhe njësitë relevante të policisë ndodhen në vendin e ngjarjes për mbledhjen e provave. Ai gjithashtu ka lëshuar autorizimin për kryerjen e autopsisë. Hetimet po vijojnë për të zbardhur plotësisht rrethanat e kësaj ngjarjeje.