Detajet – Ju kujtohen fëmijët që vranë babanë? Ja ç’ndodhi sot me ta

DURRËS — Prokuroria e Durrësit ka dhënë pretencën për një nga ngjarjet më të rënda të vitit, vrasjen dhe groposjen e Pëllumb Metës, 49 vjeç, nga fëmijët e tij. Krimi familjar, i zbuluar më 10 shkurt 2024 në Shënavlash, ka tronditur opinionin publik.

Në njoftimin e saj zyrtar, Prokuroria ka kërkuar burgim të përjetshëm për djalin, Hysen Meta, i cili dyshohet se ka kryer vrasjen. Për vajzën, Hygerta Meta, është kërkuar dënim me 30 vjet burg, ndërsa për djalin tjetër, Amarildo Meta, Prokuroria kërkon 5 vjet burg. Bashkëshortja e viktimës, Blerina Meta, përballet me një dënim prej 3 vitesh burg.

Lexo gjithashtu: Ngjarje e rende, raportohet per viktima

Rindërtimi i krimit

Sipas hetimeve të Prokurorisë, Hysen Meta dhe Hygerta Meta, në bashkëpunim me njëri-tjetrin, kanë planifikuar dhe kryer vrasjen e babait të tyre. Kjo vrasje u krye më 10 shkurt në shtëpinë e tyre në Shënavlash.

Rreth mesditës së asaj dite, Hysen Meta, në prani të motrës së tij, mori një pistoletë dhe qëlloi katër herë në drejtim të babait. Tre prej plumbave, një në kokë dhe dy në trup, rezultuan fatalë, duke shkaktuar vdekjen e menjëhershme të Pëllumb Metës.

Lexo gjithashtu: Arrestimi i Mongerinit i 'çon peshë zemrat' e demokratëve! Vjen lajmi i mire! Ja kush e ka radhen

Pas vrasjes, fëmijët vepruan për të fshehur krimin. Ata pastruan gjurmët në shtëpi, mbështollën trupin dhe e groposën në kasollen e bagëtive, pak metra larg banesës. Më pas, ata larguan automjetin dhe zhdukën sendet personale të viktimës, si dhe armën e krimit. Për të fshehur gjithçka, Hysen Meta bëri një kallëzim në polici, duke pretenduar se babai i tij ishte larguar me dëshirën e tij. Gjatë gjykimit, Hygerta Meta ishte e vetmja që pranoi të dëshmojë, duke deklaruar se vëllai i saj e kishte vrarë babain.

Dënimet e kërkuara

Në pretencën e Prokurorisë, kërkohen dënimet si më poshtë:

Hysen Meta: Burgim i përjetshëm për vrasje të rëndë, bashkëpunim në vrasje, mbajtje pa leje të armës dhe fshehje e asgjësim kufome.
Hygerta Meta: 30 vjet burg për vrasje të rëndë dhe fshehje e asgjësim kufome.
Amarildo Meta: 5 vjet burg për fshehje dhe asgjësim kufome.
Blerina Meta: 3 vjet burg për veprime që pengojnë zbulimin e të vërtetës.

Lexo gjithashtu: E fundit! Tjetër tronditje per RAMEN! Njeriu i rendesishëm i Kryeministrit thirret ne SPAK, zbulohet arsyeja e rende

Ky rast ka vënë në pah një dramë të thellë familjare dhe një krim të planifikuar me gjakftohtësi, i cili ka tronditur themelet e shoqërisë shqiptare.