SARANDË — Një ngjarje e rëndë ka ndodhur paraditen e sotme në qytetin e Sarandës, ku një vajzë 15-vjeçare ka tentuar t’i japë fund jetës duke u hedhur nga një lartësi.
Sipas informacioneve paraprake, adoleshentja ka rënë mbi një tendë, çka mund t’i ketë zbutur pasojat e rënies. Ajo është dërguar menjëherë në spital për të marrë ndihmën e nevojshme mjekësore dhe gjendja e saj shëndetësore është ende e paqartë.
Si shkak i mundshëm i këtij veprimi tragjik dyshohet gjendja emocionale e të resë, e cila, sipas informacioneve të para, ka qenë viktimë e bullizmit nga bashkëmoshatarët.
Kjo ngjarje është një tjetër thirrje alarmi për të gjithë, duke theksuar rëndësinë e ndërgjegjësimit për pasojat e bullizmit dhe nevojën për mbështetje emocionale për të rinjtë.