Eksperti i kriminalistikës, Ervin Karamuço, ka folur mbrëmjen e kësaj të marte në një emision televziiv në lidhje me ish-policin Jeton Lami që ishte personi i fundit që takoi të zhdukurin Ervis Martinaj.
Eksperti Ervin Karamuço theksoi se Jeton Lami është ai që di më së miri mbi fatin e Martinajt ndërsa theksoi se ai nuk bashkëpunon me drejtësinë pasi edhe para hetuesve ka deklaruar se ka frikë për jetën e tij dhe familjarëve.
“Është provuar që Jeton Lami nuk bashkëpunon me institucionet e drejtësisë. Ai ka kyçur gojën, duke iu referuar edhe asaj që ka thënë gjatë marrjes në pyetje: ka frikë për jetën e tij dhe të familjarëve.
A e implikon veten po të flasë? Po, por ai e di shumë mirë fundin e Vis Martinajt. Organet e drejtësisë duhet të deklarojnë se ky person duhet të flasë.
Në atë kohë ai nuk foli për emra konkretë, por foli për një listë të gjatë policësh që merrnin para nga Vis Martinaj, dhe ajo listë është në SPAK.”-tha Karamuço.