Dyshimet për një shtatzëni të mundshme të Ajola Xoxës, bashkëshortes së kryebashkiakut të Tiranës Erion Veliaj, janë kthyer në një nga temat më të komentueshme të javëve të fundit. Pas spekulimeve të vazhdueshme në rrjetet sociale dhe në media, duket se tashmë ka një konfirmim jozyrtar.
Sipas një raportimi të “Real News”, i mbështetur edhe nga burime të sigurta pranë institucioneve shëndetësore, Ajola Xoxa është shtatzënë dhe pritet të sjellë në jetë një vajzë. Aktualisht nuk dihet me saktësi muaji i shtatzënisë, por burime të mjekësisë konfirmojnë qartë se shtatzënia është e konsoliduar dhe e monitoruar rregullisht.
Situatë e pazakontë: Veliaj në paraburgim, Xoxa shtatzënë
Kujtojmë se Erion Veliaj ndodhet në paraburgim që nga muaji shkurt i këtij viti, nën akuza të rënda të cilat vazhdojnë të jenë objekt i hetimeve të thelluara. Megjithatë, ai vijon teknikisht të mbajë detyrën e kryebashkiakut të Tiranës.
Ajola Xoxa dhe Veliaj janë prindër të një djali të mitur. Pikërisht kjo ka qenë arsyeja pse Xoxës iu hoq masa e arrestit shtëpiak, duke u lejuar të kujdesej për fëmijën. Por fakti që Veliaj ndodhet prej muajsh në një regjim paraburgimi ku ligjërisht nuk lejohen takime speciale dhe kontaktet fizike ndalohen rreptësisht, ka krijuar një tjetër pikëpyetje madhore:
Si është e mundur të ketë ndodhur konceptimi i një shtatzënie të re?
Burime të sistemit penitenciar pohojnë se Veliaj nuk ka pasur asnjë autorizim për takim special, duke përjashtuar çdo mundësi kontakti fizik brenda qelisë. Kjo ka ngritur dyshime të forta dhe diskutime të shumta mbi rrethanat e shtatzënisë, një situatë e pazakontë që kërkon sqarim zyrtar.
Heshtje zyrtare – mungesa e transparencës ushqen dilemat
Deri në këtë moment, as Ajola Xoxa, as përfaqësues të Bashkisë së Tiranës, dhe as avokatët e Veliajt nuk kanë dhënë asnjë deklaratë për publikun. Institucionet shëndetësore gjithashtu refuzojnë të japin informacion për shkak të sekretit mjekësor, ndërsa Drejtoria e Burgjeve nuk ka pranuar të komentojë mbi rregullat e vizitave apo ndonjë përjashtim të mundshëm.
Kjo heshtje e përgjithshme ka shtuar edhe më shumë pyetje sesa përgjigje.