Në duart e prokurorisë ndodhet dosja me përgjimet nga celulari i Ervis Berberit, ish drejtorit të ARRSH që komunikonte për tendera me zv.kryeministrin Belinda Balluku, aktualisht e pezulluar nga detyra nga SPAK.
Në një nga përgjimet që daton në tetor të 4 viteve më parë, Balluku i shkruan Berberit për një firmë konsulence “Civil Cons” për të cilën i thotë se është e Lefter Gështenjës, në atë kohë mbante mandatin e deputetit për Librazhit.
Megjithatë, në përgjime nuk identifikohet nëse kjo firmë ka pasur lidhje me tenderin, për ndërtimin e unazës së jashtme të Tiranës, Loti 4.
“Në datën 28.10.2021, në orën 12:44, në aplikacionin “WhatsApp”, shtetasja Belinda Balluku i përcjellë (forwarded) shtetasit Evis Berberi mesazhin “Civil Cons”. Në orën 12:44, Evis Berberi: “?”.
Në orën 12:44, Belinda Balluku i përcjellë (forëarded) shtetasit Evis Berberi mesazhin “Ka dhe nje firme konsulence per projektim supervizim me korab alikon. Jane supervizor tek porto romanо”.
Në orën 12:45, Evis Berberi: “Po jane te Porto romano”. Në orën 12:45, Belinda Balluku: “Kte e ka Lefter Geshtenja, deputet I librazhdit I PD”. Në orën 12:46, Evis Berberi: “Ok”.
Më pas, në orën 12:48, në aplikacionin “Signal Private Messenger”, ku mendohet se nuk pergjoheshin, pasi keshtu kishin degjuar, shtetasi Evis Berberi i dërgon shtetases Belinda Balluku mesazhin “Urgjente apo ne te ardhmen?”.
Në orën 12:50, Belinda Balluku: “Jo, jo po mos ta shoh te marr tjeter pune ne rep e shqiperise”. Në orën 12:50, Evis Berberi: “Eshte e lehte”. 140. Me procesverbalin nr. 2, datë 06.10.2021
“Mbi vlerësimin e ofertave të paraqitura” të Komisionit të Vlerësimit të Ofertave është përfunduar vlerësimi i ofertave të paraqitura në sistemin elektronik të APP-së në lidhje me procedurën e prokurimit me objekt “Ndërtim i Unazës së Jashtme Tiranë, Loti 4”. me fond limit 2.096.958.794.70 lekë pa TVSH?”-thuhet ndër te tjera në dosje.