Bashkia e Durrësit ka paralajmëruar qytetarët se qyteti bregdetar pas ores 16:00 te dites se sotme, do të përfshihet gjatë 24-orëve të fundit nga erërat e forta që pritet që të arrijnë deri në 25 m/sek.
Bashkia i bën thirrje qytetarëve të shmangin lëvizjet e panevojshme dhe të tregojnë kujdes maksimal.
Ndërsa në njoftim theksohet se strukturat bashkiake do të jetën në gatishmëri të plotë.
Njoftimi:
Sipas parashikimeve meteorologjike, qyteti ynë pritet të përballet me erëra të forta.
Duke filluar nga ora 16:00 e ditës së sotme, era nga drejtimi jugor do të intensifikohet, duke arritur shpejtësi deri në 25 m/sek, situatë që do të zgjasë deri në orët e para të mëngjesit të së shtunës.
U bëjmë thirrje qytetarëve të shmangin lëvizjet e panevojshme dhe të tregojnë kujdes maksimal. Ju lutemi ndiqni njoftimet zyrtare për sigurinë tuaj dhe të familjarëve.
Strukturat tona do të jenë në gatishmëri të plotë për çdo problematikë që mund të paraqitet.