Edhe pse kanë kaluar vetëm 27 ditë nga nisja e “Big Brother VIP Albania 5” dhe finalja e madhe duket ende muaj larg, për gazetarin Elton Tozaj gara duket se ka përfunduar.
Mes dinamikave të forta dhe debateve të përditshme, ai ka veçuar një emër të vetëm që sipas tij e ka fitoren në xhep: Stenaldo Mëhillin.
Gjatë një interviste të fundit, Tozaj nuk ka lënë vend për dyshime, duke vlerësuar maksimalisht banorin që surprizoi të gjithë me hyrjen e tij, për shkak të faktit se është i verbër.
“Fituesi dihet që është Stenaldo, patjetër. Stenaldo është super personazh. Është një njeri që studion çdo lloj gjëje dhe ta mendosh që është i verbër,” u shpreh gazetari.
Përveç karakterit, Tozaj theksoi:
“Stenaldo është i vetmi njeri i verbër konkurrent, i vetmi i verbër që ka hyrë në çdo Big Brother në botë”.