Një aksident i rëndë është shënuar mbrëmjen e kësaj të mërkure në qytetin e Elbasanit, në afërsi të stadiumit të qytetit.
Burime për mediat bëjnë me dije se një automjet tip “Mercedes Benz”, është përplasur me një motomjet. Si pasojë ka persona të plagosur, të cilët janë transportuar me urgjencë drejt spitalit për të marrë ndihmë mjekësore.
Pamje nga vendi i ngjarjes
Paraprakisht dyshohet se shkak i aksidentit të jetë bërë parakalimi i gabuar, megjithatë rrethanat e plota pritet të sqarohen në vijim. Policia ndodhet në vendngjarje dhe po punon për zbardhjen e plotë të shkaqeve të aksidentit.