Brenda këtij muaji pritet që tuneli i Llogarasë të nisë tarifimin e kalimit, pasi deri më tani kalimi është bërë pa pagesë.
Punimet për vendosjen e sistemit të pagesës janë në fazën përfundimtare, ndërsa këtë të hënë janë zhvilluar testet e fundit për funksionimin e pajisjeve.
Në të gjithë tunelin janë vendosur kamerat e sigurisë dhe sistemet elektronike që do të mundësojnë tarifimin e çdo mjeti që kalon në këtë aks.
Pagesa do të fillojë nga 100 lekë për motoçikletat, ndërsa për mjete me tonazh të rëndë tarifa maksimale arrin deri në 5 mijë lekë.
Për autoveturat, kalimi do të kushtojë 250 lekë, ose 500 lekë vajtje-ardhje. Mjetet me karroceri do të paguajnë 500 lekë, ndërsa furgonët dhe autobusët do të tarifohen 1,000 lekë për kalim.
Autoritetet bëjnë me dije se pagesa do të zbatohet për të gjithë mjetet dhe ka për qëllim mirëmbajtjen dhe sigurinë e tunelit.