Një moment i papritur nga hapësira bëri që astronauti Victor Glover, pjesë e ekuipazhit të Artemis II, të bëhej viral në rrjetet sociale. Glover, 49 vjeç, u filmua gjatë një transmetimi të drejtpërdrejtë duke kryer një “dush hapësinor” brenda kapsulës Orion, anija që do të çojë ekuipazhin në anën e padukshme të Hënës si pjesë e misionit historik të NASA-s.
Për pastrim ai përdori një peshqir të lagur, të ngjashëm me një pecetë higjienike, pas një seance intensive ushtrimesh. Pamjet e transmetuara live tërhoqën menjëherë vëmendjen e ndjekësve, të cilët komentuan mbi trupin e tonifikuar të astronautit.
Videoja vazhdoi derisa Glover nisi të pastronte këmbët, çka shkaktoi ndërhyrjen e qendrës së kontrollit në Houston, e cila ndërpreu transmetimin për të ruajtur privatësinë e ekuipazhit.
Një operator u dëgjua të thoshte: “Faleminderit, pa e ditur preferencën tuaj, patëm një video të Victorit të cilën e ndaluam.”
Reagimet në rrjetet sociale nuk vonuan. Disa e krahasuan me një “Buff Lightyear”, të tjerë shkruan: “Astronauti Victor Glover është në formë të shkëlqyer. Lëreni të ushtrohet sa të dojë.