Një incident i rëndë ka ndodhur mbrëmjen e sotme në qytetin e Korçës, ku një e moshuar është rrëzuar nga shkallët e një pallati, duke pësuar dëmtime.
Sipas informacioneve paraprake, e moshuara ishte duke shkundur një tapet kur ka humbur ekuilibrin dhe ka rënë nga shkallët.
Si pasojë e rrëzimit, ajo është transportuar me urgjencë në spitalin e qytetit për të marrë ndihmë mjekësore. Ngjarja ka ndodhur në një pallat pranë Teatrit “Andon Zako Çajupi”.
Në vendngjarje kanë mbërritur shërbimet e policisë, të cilat po punojnë për zbardhjen e plotë të rrethanave të aksidentit.