Një aksident i trefishtë ka ndodhur në aksin rrugor Korçë-Bilisht në afërsi të fshatit Belorta. Tre mjete janë përplasur me njëra-tjetrën, raporton A2CNN.
Si pasojë ka mbetur i plagosur një polic i qarkullimit rrugor, i cili mendohet se ka qenë në shërbim gjatë kohës që ka ndodhur aksidenti. Efektivi i policisë është dërguar drejt spitalit të Korçës ku ndodhet jashtë rrezikut për jetën.
Vlen të theksohet se në aksin rrugor Korçë-Bilisht dhe një pjesë të konsiderueshme të këtij aksi ka mungesë sinjalistike, ndirçimi si dhe ka shumë zona cilat cilësohen si njolla të zeza, ku shpesh kanë ndodhur edhe aksidente me pasoja të rënda për jetën. (A2 Televizion)