Një nënë dhe gjashtë fëmijë të moshës nga tre deri në 11 vjeç u vranë në një shpërthim dhe zjarr në një shtëpi në qendër të Pensilvanisë.
Zjarrfikësit iu përgjigjën një raporti për një shpërthim dhe zjarr në një shtëpi në Lamar Township në qarkun Clinton pranë Mill Hall të dielën në mëngjes. Ata konfirmuan se shtatë persona ishin të bllokuar, por ata nuk mundën të kontrollonin ndërtesën e përfshirë nga flakët.
Viktimat janë Sarah Stolzfus, 34 vjeç, katër djem, të moshës 11, 10, pesë dhe tre vjeç, dhe dy vajza, të moshës tetë dhe gjashtë vjeç.
Shkaku është duke u hetuar. Një rrjedhje propani brenda shtëpisë mund të ketë shkaktuar shpërthimin dhe zjarrin. Fqinja Christina Duck tha po hante mëngjes kur filloi ngjarja.
“Dëgjova një bum dhe mund ta ndjeja. U ngrita, shikova nga dritarja dhe munda të shihja flakët përmes dritareve. Dola me vrap jashtë dhe brenda një minute e gjithë shtëpia u përfshi plotësisht”, tha Duck.
Familja ishte zhvendosur në banesë disa muaj më parë. Duck tha se ajo shpesh i shihte fëmijët jashtë duke luajtur.