Kryeparlamentari i Shqipërisë, Niko Peleshi ka dorëzuar në Komisionin e Venecias një kërkesë për opinion mbi projektligjin “Për financimin e partive politike”.
Referuar njoftimit të bërë nga Komisioni i Venecias mësohet se Peleshi ka kërkuar vlerësimin e tyre në lidhje projektligjin përmes së cilit synohet të arrihet rregullimi i kuadrit ligjor për financimin e subjekteve politike në Shqipëri.
Ndërsa bëhet me dije se projekt opinioni në fjalë pritet të diskutohet e miratohet në Sesionin e 147-të Plenar të Komisionit të Venecias, që do të zhvillohet më 12, 13 qershor 2026.
Nga ana tjetër, në Komisionin e Posaçëm Parlamentar për Reformën Zgjedhore u prezantua ditën e sotme projektligji që rregullon financimin e partive politike jashtë periudhave zgjedhore.
Ndër dispozitat kryesore të projektligjit mbetet dhe neni 7, përmes së cilit parashikohen ndalime të plota për kategori të caktuara individësh apo subjektesh që nuk ofrojnë ndihma financiare ose materiale për partitë politike.
Projektligji në fjalë parashikon:
-çdo dhurim mbi 500 mijë lekë të realizohet vetëm përmes sistemit bankar;
-shtetasit shqiptarë mund të dhurojnë deri në 200 mijë lekë në vit;
-personat fizikë të regjistruar sipas legjislacionit tatimor deri në 500 mijë lekë;
-personat juridikë deri në 1 milion lekë në vit kalendarik.
