Blerina Basha, 33-vjeçarja e akuzuar për braktisjen e tre fëmijëve të saj të mitur, është shpallur Haramja e muajit Janar.
Tre fëmijët e mitur janë vendosur nën kujdesin e Shërbimit Social në Durrës, pas denoncimeve se nëna e tyre i kishte lënë vetëm në banesë.
Fqinjët, duke dëgjuar të qarat e tyre, njoftuan autoritetet. Fëmijët nuk kishin shkuar në shkollë për rreth një muaj dhe, sipas hetimeve, tre ditët e fundit ishin pa ushqim.
Banesa ishte e kthyer përmbys, ndërsa fëmijët rezultuan të prekur nga sëmundja e zgjebes.
Autoritetet kanë nisur verifikimet ligjore dhe procedurat për mbrojtjen e tyre, ndërkohë që familja e babait të fëmijëve ka bërë kallëzim penal ndaj Bashës për keqtrajtim.
Nga ana e saj, Blerina Basha mohon se i ka braktisur fëmijët dhe shprehet se i ka lënë vetëm për shkak të obligimeve pune dhe vështirësive ekonomike, duke u përpjekur të sigurojë jetesën për ta.
Babai i fëmijëve ka kërkuar përmes gjykatës heqjen e kujdestarisë nga nëna dhe marrjen e kujdestarisë së fëmijëve.
Rasti vijon të ndjeket nga autoritetet ligjore dhe social-sigurimet për të garantuar mirëqenien e të miturve.