Kryetari i Partisë Demokratike, Sali Berisha, ka reaguar në rrjetet sociale pas raportimeve ndërkombëtare që pretendojnë për vrasjen e liderit suprem të Iranit, Ayatollah Ali Khamenei, në një bombardim të dyshuar amerikano-izraelit.
Në deklaratën e publikuar nga Partia Demokratike, Berisha e cilëson lajmin si pozitiv për popullin iranian dhe për “njerëzit e lirë në mbarë botën”.
“Ky është një lajm i mirë jo vetëm për kombin iranian, por për mbarë njerëzit e lirë në botë”, thuhet në reagim.
Ai shton se shpreson që pas eliminimit të Khameneit dhe zyrtarëve të tjerë të regjimit teokratik, populli iranian të fitojë lirinë që i është mohuar për dekada.
Deri në këto momente, nuk ka një konfirmim zyrtar nga autoritetet iraniane apo amerikane lidhur me raportimet për një zhvillim të tillë. Mediat ndërkombëtare vijojnë të ndjekin situatën.