Kryetari i pezulluar i Bashkisë së Tiranës, Erion Veliaj, është transportuar mesditën e sotme me ambulancë nga burgu i Durrësit drejt një spitali privat në kryeqytet.
Lëvizja e tij vjen ndërkohë që të gjitha shkallët e gjyqësorit kanë rrëzuar kërkesat e tij për zbutjen e masës së sigurisë “arrest me burg”.
Deri më tani nuk janë bërë të ditura shkaqet zyrtare të këtij shtrimi shëndetësor apo nëse bëhet fjalë për një kontroll rutinë.Më parë, Veliaj kishte lënë qelinë për një ndërhyrje mjekësore, pas së cilës u rikthye sërish në ambientet e vuajtjes së dënimit nën shoqërimin e forcave të policisë.