Ish-e dashura e Klodian Mihajt, banorit të “Big Brother VIP Kosova 4”, ka reaguar pas komenteve të shumta rreth afrimitetit të tij me Londrimin, një marrëdhënie që ka ngritur spekulime se të dy mund të kenë pëlqim për djemtë apo edhe për njëri-tjetrin.
Për të qartësuar situatën, Michelle Veronesi tha se Klodi ka qenë gjithmonë një person shumë social dhe i afërt me të tjerët. “Ai kishte një marrëdhënie shumë të mirë edhe me një djalë tjetër në reality show-n ku morëm pjesë bashkë.
Ishin shpesh bashkë dhe kalonin kohë miqësisht. Po krahasoj dy miqësi”, u shpreh ajo për “Prive”, duke sqaruar se ka dallim mes një miqësie të fortë dhe një lidhjeje romantike.
E pyetur nëse mund të ketë ndonjë lloj afrimiteti fizik apo lidhjeje mes Klodit dhe Londrimit, Michelle u përgjigj:
“Nuk mendoj se ai do të kishte ndonjë veprim romantik me një djalë, si puthje apo diçka tjetër. Por kurrë mos thuaj kurrë. Mund të jetë çfarëdo, por nuk besoj se do të bëhen çift.”
Ajo shtoi gjithashtu se, nga sa e njeh, Klodi ka pëlqime të qarta për vajzat dhe madje dyshon se ai mund të ketë krijuar një interes romantik ndaj dikujt brenda shtëpisë së BBVK.