Bashkëshortja e Mirit, Rabea Shahini, ka folur për marrëdhënien e tij me Selin Bollatin gjatë “BB VIP 5”, duke hedhur poshtë aludimet për xhelozi apo ndjenja mes tyre.
E ftuar në emisionin “S’e Luan Topi”, ajo u shpreh se nuk është ndjerë aspak xheloze për situatat e krijuara në shtëpi, duke theksuar se ka pasur besim të plotë tek bashkëshorti i saj.
“Nuk kam qenë xheloze, sepse e di shumë mirë çfarë raporti kemi dhe i besoj plotësisht Mirit. Nuk kishte arsye për xhelozi,” tha ajo, duke shtuar se komentet e bëra jashtë formatit nuk duhet të gjykohen pa baza.
Edhe Miri, nga ana e tij, foli për raportin e tij me Selin, si dhe për jetën personale pas daljes nga reality show. Ai tregoi se nuk ka marrë ende pasaportën gjermane, megjithëse ka bërë aplikimin së fundmi, duke theksuar se nuk ka dashur të heqë dorë nga shtetësia shqiptare.
Sipas tij, aktualisht është e mundur të mbajë të dyja shtetësitë, çka i lejon të ruajë edhe lidhjen me Shqipërinë, edhe jetën e tij në Gjermani.