Shqetësimet e BE për paqen fiskale nuk e kanë ndalur qeverinë që jo vetëm ta miratojë në Parlament, por ta vendosë në zbatim, pa sqaruar nëse do të ketë masa mbrojtëse kundër pastrimit të parave.
Edhe pse në takim me përfaqësuesit e bizneseve, Rama nënvizoi faktin se kush do të përjashtohen nga kjo marrëveshje amnistie.
“Nis nga janari, përjashtohen bizneset që kanë probleme me ligjin”, tha kreu i qeverisë.
Rama sqaroi sipërmarrësit se kjo marrëveshje nuk është një detyrim, por bizneset që e refuzojnë do të përballen me kontrolle.
“Kush do paqe firmos, kush nuk do, do të ketë kontrolle”, tha Rama.
Fshirja e detyrimeve nga vetë deklarimet do të varet nga periudha dhe vjetërsia në treg. Administrata tatimore do të ketë fokus kontrollet tek bizneset që fshehin fitimin për t’u kategorizuar si biznes i vogël. Me “paqen fiskale me biznesin”, qeveria fal 1 miliard euro detyrime të papaguara të bizneseve në Tatime dhe Dogana