“Largohu se do të vras dhe ty!” DETAJE të reja nga tragjedia shqiptare, familjari i Arditës rrëfen momentet dramatike dhe fjalët e fundit të 31-vjeçares

Ngjarja e rëndë që përgjaku fshatin Majac të Podujevës mbrëmjen e 22 marsit është mbyllur me një bilanc tragjik prej tre të vdekurish. Pas vdekjes së 45-vjeçarit Ilaz Brahimi dhe Miradije Gashit, mëngjesin e sotëm është konfirmuar edhe ndarja nga jeta e autores së dyshuar, 31-vjeçares Ardita Gashi, e cila nuk u mbijetoi plagëve të vetëshkaktuara në QKUK.

Ndërsa policia vazhdon hetimet, anëtarë të familjes Gashi kanë thyer heshtjen për Klan Kosova, duke rrëfyer dinamikën e tmerrshme të asaj nate brenda mureve të shtëpisë. Sipas tyre, familja nuk kishte dijeni për lidhjen e Arditës me viktimën nga Obiliqi dhe mohojnë të kenë pasur konflikte të hapura me dikë.

Lexo gjithashtu: “Babi boll, po e mbyt mamin!'- Thirrja tronditese e femijes se autorit qe vrau dy kunetërit, Astrit Isufi e rrihte gruan me kabllo! Cfarë i kerkuan kuneterit

Ekzekutimi dhe kërcënimet brenda familjes

Dëshmia e një prej familjarëve zbardh momentet kur situata doli jashtë kontrollit. Pasi qëlloi mbi Ilaz Brahimin, 31-vjeçarja i është drejtuar dhomës ku ndodhej nusja e xhaxhait të saj bashkë me nusen e djalit dhe tre fëmijë të vegjël.

“Ardita u tha të tjerëve të dilnin jashtë sepse kishte diçka për të biseduar me nusen e xhaxhait. Sapo dolën, dëgjuam të shtëna,” rrëfen familjari.

Më pas, autorja është mbyllur në dhomën e fëmijëve dhe ka kërcënuar edhe vëllanë e saj kur ai tentoi të ndërhynte. “Largohu, se do të të vras edhe ty,” mësohet t’i ketë thënë ajo para se të kthehej armën nga vetja. Familjarët sqaruan gjithashtu se mjeti i krimit ishte një pistoletë dhe jo armë automatike siç u përfol fillimisht.

Lexo gjithashtu: Klipe që editohen sipas qejfit/ Familja e Selin akuzon produksionin dhe poston videon e vërtetë

Bilanci i zi i 24 orëve të fundit

Tragjedia u rëndua orë pas ore, duke shuar shpresat për mbijetesën e të plagosurve:

Ilaz Brahimi (45 vjeç): Ndërroi jetë menjëherë në vendngjarje pas të shtënave.
Miradije Gashi: Gruaja e xhaxhait të autores, ndërroi jetë mëngjesin e së hënës në QKUK pas plagëve të rënda.
Ardita Gashi (31 vjeç): Ndërroi jetë mëngjesin e sotëm (e martë) në gjendje kritike pas vetëplagosjes.

Lexo gjithashtu: E fundit! BE i jep gòditje të fòrtë qeverisë shqiptare! Bllòkon fondet që na duheshin shume

Enigma e motiveve dhe hetimet e Prokurorisë

Ndonëse versioni i parë lidhet me një krizë në marrëdhënien mes Arditës dhe Ilazit, fakti që ajo sulmoi edhe familjaren e saj e bën ngjarjen edhe më komplekse për hetuesit. Prokuroria e Prishtinës e ka klasifikuar rastin si “Vrasje e rëndë”, ndërsa po ekzaminohen telefonat dhe dëshmitë e fundit për të kuptuar nëse kishte një plan paraprak apo ishte një shpërthim i çastit.

Fshati Majac mbetet në zi, ndërsa kjo ngjarje ka rikthyer vëmendjen te nevoja për trajtimin e shëndetit mendor dhe rrezikun që kanoset nga armëmbajtja pa leje brenda mjediseve familjare.