Sinoptikania Anira Gjoni nga IGJEUM në një intervistë paralajmëron se reshjet intensive dhe erërat e forta do të vijojnë gjatë dy ditëve në vazhdim në disa qarqe të vendit.
“Reshjet janë të përqëndruara kryesisht në veri dhe jug të vendit. Deri në pasditen e vonë do të vijojnë reshje intensive në qarkqet Vlorë dhe Gjirokastër.
Do kemi një rënie sado të vogël të intensitetit në qarkun Shkodër, ku përgjatë paradites kanë pasur reshje shumë intensive.
Në qarqe të tjera priten reshje mesatare dhe lokalisht intensive. Në të gjitha qarqet reshjet do të jenë të shoqëruara me shtrëngata.
Problematikë që do të na shoqërojë gjatë këtyre ditëve, përveç intensiteteve të shtuara të reshjeve është edhe era e cila pritet të fryjë e fortë, kryesish në bregdet”, u shpreh Gjoni.