Gjykata e Lartë ka caktuar datën 2 tetor, ora 13:35, për të shqyrtuar kërkesën e kryebashkiakut Erion Veliaj për ndryshim të masës së sigurisë “arrest me burg”.
Dokumentacioni për rekursin, i cili u regjistrua në Gjykatën e Lartë në 10 shtator, do të shqyrtohet brenda afateve ligjore.
Ndërkohë, Gjykata e Posaçme kundër Korrupsionit dhe Krimit të Organizuar (SPAK) ka caktuar gjyqtaren Etleva Deda për seancën paraprake të çështjes penale ndaj Veliajt dhe 29 personave të tjerë të pandehur. Veliaj përballet me 13 akuza, duke përfshirë korrupsion pasiv, pastrim parash dhe shpërdorim detyre. Edhe bashkëshortja e tij, Ajola Xoxa, është përfshirë në të njëjtën dosje, me 11 akuza penale.
Lëvizja e Partisë Socialiste
Ditën e djeshme, anëtarët e Partisë Socialiste në Këshillin Bashkiak të Tiranës firmosën në selinë e partisë një dokument që kërkon shkarkimin e kryebashkiakut, një veprim që vjen pas akuzave të rënda të ngritura nga SPAK.