Plas keq ne PD, Keshilltari i njohur i PD leshon akuza te forta ndaj Berishës
Sali Berisha ka arritur të shkaktojë një tjetër përçarje në radhët e demokratëve të Vlorës, pas një kandidimi të papritur që ka trazuar edhe ata pak mbështetës të mbetur të PD-së në këtë qytet.
Këshilltari bashkiak i Partisë Demokratike në Këshillin Bashkiak të Vlorës, Gjergj Nika, ka shpallur publikisht kandidaturën e tij për Bashkinë e Vlorës, duke dalë kundër mbështetjes që Berisha i ka dhënë një tjetër kandidati të pavarur, Dionis Sotës — një emër që, sipas shumë demokratëve lokalë, nuk ka asnjë lidhje me strukturat apo kontributin historik të PD-së.
Në deklaratën e tij, Nika është shprehur me tone të forta:
“Prej vitesh, demokratët në Vlorë janë tallur e nëpërkëmbur me kandidatë të imponuar që nuk kanë asnjë lidhje me Partinë Demokratike. Sot kandidoj sepse nuk dua ta shoh më qytetin tim pa zë dhe demokratët pa dinjitet. Kandidoj sepse nuk dëshiroj që PD të zhbëhet nga individë groteskë.”