Një ngjarje e rëndë ka ndodhur mbrëmjen e sotme në Lushnjë, ku mësohet se disa banesa janë përfshirë nga zjarri.
Ngjarja ka ndodhur në lagjen “Loni Dhamo” në qytetin e Lushnjës, ndërsa disa banesa ngjitur me njëra-tjetrën janë përfshirë nga flakët.
Bëhet me dije se një vajzë në moshë të re është dërguar në spital e asfiksuar nga tymi, ndërsa të gjithë banorët e tjerë kanë dalë më kohë.
Zjarrfikësit dhe forca të shumta policie ndodhen në vendngjarje për të zbuluar shkaqet dhe rrethanat.
