Një shtetas 23 vjeçar nga Korça është paraqitur në spitalin rajonal të qytetit me plagë të shkaktuara me mjete prerëse në bark.
Burime për mediat nga policia kanë bërë me dije se ai nuk ka pranuar të jepë detaje se kush e plagosi, ndërsa nga hetimet paraprake, policia ka arritur të ngrejë dyshimet se bëhet fjalë për një konflikt të mëparshëm të tij dhe disa personave të tjerë.
I plagosur po merr trajtimin mjekësor, kurse grupi hetimor është duke punuar ende për zbardhjen e rastit.