Një incident i rëndë ka ndodhur mesditën e së enjtes në Deçan, ku dyshohet se një person ka goditur babanë e tij me sëpatë.
Sipas Policisë, i lënduari ka pësuar lëndime serioze dhe aktualisht është duke u trajtuar nga ekipet mjekësore.
Pas trajtimit fillestar në Qendrën e Mjekësisë Familjare në Deçan, viktima është udhëzuar për trajtim të mëtutjeshëm në Pejë.
Zëdhënësi i Policisë për rajonin e Pejës ka bërë të ditur për Insajderin se policia ka dalë menjëherë në vendin e ngjarjes për sigurimin e saj, ndërsa prokurorja e shtetit ka kontaktuar viktimën dhe është njoftuar me gjendjen dhe lëndimet e tij.
“Është urdhëruar që rasti të trajtohet nga sektori i hetimeve rajonale – krimet serioze. Deri më tani nuk ka persona të arrestuar”, ka deklaruar zëdhënësi i policisë.