Opozita mbylli para pak minutash protestën kombëtare të caktuar për këtë të premte në kuadër të asaj që kryedemokrati Sali Berisha e cilëson si stinën e pandërprerë të protestave.
Edhe kjo protestë u shoqërua me tension, hedhje lëndësh piroteknike e gaz lotsjellës.
Gjatë protestës nuk munguan as përplasjet e shumta mes protestuesve pjesëmarrës dhe forcave policore.
Ndërkohë, në godinën e Kryeministrisë janë parë punonjës të shumtë që siç vihet re edhe nga pamjet, po çmontojnë pjesët metalike të vendosura si masë ‘blinduese’ para tubimit.
Ambientet para Kryeministrisë duket se janë ende në kaos, teksa shihen pankarta të hedhura, shishe uji, por edhe podiumi i PD-së pjesërisht i rrëzuar.