Një helikopter Mi-17 i Aviacionit të Ushtrisë së Pakistanit është rrëzuar ditën e sotme duke shkaktuar vdekjen e të gjithë personave që ndodheshin në bord.
Lajmi u konfirmua nga Departamenti i Marrëdhënieve me Publikun Ndër-Shërbim (ISPR), krahu mediatik i ushtrisë pakistaneze, i cili bëri të ditur se nga aksidenti nuk pati asnjë të mbijetuar.
Sipas deklaratës zyrtare, helikopteri u rrëzua gjatë ngritjes si pasojë e një defekti teknik.
Menjëherë pas ngjarjes, ekipet e shpëtimit dhe të rikuperimit mbërritën në vendin e aksidentit, ndërsa është ngritur një komision hetimor për të përcaktuar shkaqet e sakta të rrëzimit.
Shefi i Forcave të Mbrojtjes dhe Shefi i Shtabit të Ushtrisë, Feldmarshalli Asim Munir, së bashku me drejtuesit dhe personelin e ushtrisë, shprehën ngushëllimet e tyre për familjet e viktimave.
“Shprehim hidhërim të thellë për humbjen tragjike të jetëve të çmuara dhe ngushëllimet më të sinqerta për familjet e të ndjerëve”, thuhet në reagimin e ISPR-së.