Një shpërthim me tritol është regjistruar këtë të dielë në Laç. Ngjarja ka ndodhur rreth orës 03:00 të mëngjesit. Mësohet se lënda plasësë është vendosur në qepenin e derës së një dyqani, të lokalizuar në një kompleks shërbimesh.
Ende nuk dihen rrethanat e plota të ngjarjes dhe fatmirësisht nuk raportohet për të lënduar.
Njoftimi paraprak i policisë:
Rreth orës 03:00, në qytetin e Laçit, në qepenin e derës së një dyqani që ndodhet në një kompleks shërbimesh, ka shpërthyer një sasi lënde plasëse, duke shkaktuar vetëm dëme materiale.
Menjëherë pas marrjes së njoftimit, në vendngjarje kanë shkuar shërbimet e Policisë dhe grupi hetimor. Nën drejtimin e Prokurorisë, po kryhen veprimet hetimore për sqarimin e plotë të rrethanave dhe dokumentimin ligjor të rastit, me qëllim identifikimin dhe kapjen e autorit/ve.