BERLIN – Skena politike gjermane është tronditur thellë nga një lajm tragjik dhe i papritur, pasi ministri i Ekonomisë dhe zëvendëskryeministri i Bavarisë, Hubert Aiwanger, është gjetur i pajetë brenda një dhomë hoteli në kryeqytetin gjerman, Berlin.
Lajmi është konfirmuar zyrtarisht nga burime të qeverisë bavareze dhe nga Policia e Berlinit, duke shkaktuar një valë reagimesh dhe ngushëllimesh nga e gjithë spektrimi politik në vend.
Sipas detajeve të zbardhura nga gazeta e njohur gjermane Bild, ngjarja ka ndodhur gjatë vizitës së tij zyrtare në Berlin. 55-vjeçari Aiwanger nuk ishte paraqitur në ceremoninë e rëndësishme të inaugurimit të zyrës së re të partisë së tij, pasi gjatë ditës kishte shfaqur shqetësime shëndetësore dhe ishte ndjerë keq.
Pasi ishte tërhequr për të pushuar në hotelin e tij të vendosur në lagjen qendrore “Mitte”, kontakti me të kishte humbur, derisa trupi i tij u zbulua nga autoritetet.
Pas marrjes së sinjalizimit, shërbimet e urgjencës dhe grupe të posaçme të policisë kriminale të Berlinit mbërritën menjëherë në vendngjarje, duke rrethuar zonën dhe nisur hetimet paraprake për të zbardhur rrethanat e plota.
Megjithatë, deri në këto momente, shkaku i saktë i vdekjes mbetet i panjohur dhe pritet të përcaktohet zyrtarisht pas përfundimit të ekspertizës mjeko-ligjore dhe autopsisë.
Hubert Aiwanger ishte një nga figurat më karizmatike, por edhe më të debatuara të politikës gjermane të viteve të fundit.
Përveç detyrës së lartë si zëvendëskryeministër dhe ministër i Ekonomisë, Zhvillimit Rajonal dhe Energjisë në Bavari, ai drejtonte si kryetar partinë populiste të krahut të djathtë, “Votuesit e Lirë” (Freie Wähler), duke luajtur një rol kyç në qeverisjen e landit më të madh gjerman.
Ikja e tij e parakohshme lë një boshllëk të madh në strukturat drejtuese të Bavarisë dhe në debatin e gjerë politik gjerman.