Radio Televizioni Shqiptar ka humbur një nga profesionistët e tij më të spikatur. Në orët e para të mëngjesit të sotëm, pas një sëmundjeje të rëndë dhe të shpejtë, ndërroi jetë kameramani Ervin Hoti.
Hoti i shërbeu RTSH-së për 22 vjet, duke kontribuar në realizimin e qindra programeve, nga më të thjeshtat deri te spektaklet e mëdha. Ai cilësohej si një nga “sytë” më të talentuar të televizionit, i njohur për korrektësinë dhe intuita e tij krijuese.
Ndarja e tij nga jeta është një humbje e madhe jo vetëm për familjen e tij, por edhe për të gjithë stafin e RTSH-së, ku ai punoi me profesionalizëm dhe përkushtim për më shumë se dy dekada.
