Skena të jashtëzakonshme janë regjistruar në kryeqytet, teksa protesta e nisur para Kryeministrisë, ende vijon në rrugët kryesore të Tiranës.
Protestues të shumtë kanë vijuar të marshojnë duke përshkuar rrugët nga Bulevardi Zogu I dhe tek Zogu i Zi e më gjerë.
Atyre u janë bashkuar edhe qytetarë të tjerë që kanë qenë në rrugë, ndërsa drejtuesit e automjeteve duket sikur nuk jane merzitur si ne protestat e tjera, por i kanë përshëndetur me bori.
Protesta ende nuk ka një orar përfundimi dhe pritet të vazhdojë edhe për momentet në vijim.