Një banesë në zonën pranë “Sahatit të Qytetit” në Vlorë, është përfshirë nga flakët pasditen e sotme (12 qershor).
Menjëherë pas njoftimit, në vendngjarje mbërritën shërbimet zjarrfikëse, të cilat ndërhynë me shpejtësi dhe arritën të neutralizojnë flakët, duke parandaluar përhapjen e zjarrit në banesat përreth.
Fatmirësisht, nga ngjarja nuk raportohet për persona të lënduar.
Ndërkohë, po punohet për të përcaktuar shkaqet që shkaktuan zjarrin.
