Avokati i ish presidentit Ilir Meta, Kujtim Cakrani është dhunuar ditën e sotme, 8 shkurt, në Vlorë. Cakrani është dërguar në spitalin rajonal dhe po merr ndihmë mjekësore në repartin e kirurgjisë.
Bëhet me dije se Cakrani është konfliktuar me persona të tjerë në një pikë karburanti për arsye ende të paqarta, ku dhe e kanë goditur me derën e automjetit në fytyrë.
Ende nuk dihen rrethanat e plota se si ka ndodhur ngjarja.
Kujtojmë që Cakrani është mbrojtës i kreut të Partisë së Lirisë në procesin gjyqësor ndaj tij në GJKKO, nndaj të cilit rëndojnë akuzat e korrupsionit, pastrimit të parave dhe mosdeklarimit të pasurisë.
© Panorama.al
