Është ndarë nga jeta në moshën 93-vjeçare Bernadette Chirac, bashkëshortja e ish-presidentit francez Jacques Chirac.
Bernadette Chirac, ish-zonja e parë e Francës dhe një mbështetëse e hershme e industrisë franceze të luksit dhe modës, ndërroi jetë të premten, më 5 qershor. Lajmin e trishtë e bëri të ditur vajza e saj, Claude, përmes një deklarate për mediat.
Presidenti francez Emmanuel Macron e përshkroi atë si një “grua të madhe me zemër”, e cila “la gjurmë në historinë tonë” dhe “ndryshoi kaq shumë jetë me diskrecion dhe vendosmëri”.
E lindur si Bernadette Chodron de Courcel në Paris në vitin 1933, ajo u martua me Jacques Chirac në vitin 1956 dhe e shoqëroi atë gjatë gjithë karrierës së tij politike, përfshirë periudhën kur ai shërbeu si president i Francës nga viti 1995 deri në vitin 2007.
Bernadette Chirac njihej veçanërisht për ndikimin e saj në jetën politike franceze dhe për angazhimin e saj në bamirësin popullore tek fëmijët e shtruar në spitale.
