Policia e Kosovës ka konfirmuar se një person është vrarë dhe katër janë lënduar mbrëmjen e së dielës në rrugën “Ali Ibra” në Gjakovë.
Lajmin e ka bërë të ditur për Gazetën Insajderi zyrtarja për informim e Policisë për rajonin e Gjakovës, Vlera Krasniqi.
“Rreth orës 21:30 kemi pranuar informatën për një përleshje fizike në rrugën “Ali Ibra” në Gjakovë. Si pasojë e këtij incidenti, katër persona kanë pësuar lëndime trupore dhe kanë pranuar trajtim mjekësor në Qendrën Emergjente të Spitalit Rajonal në Gjakovë, njëri nga të lënduarit ka ndërruar jetë si pasojë e plagëve të marra dyshohet nga një mjet i mprehtë,ndër të lenduarit është edhe personi i dyshuar”, ka thënë Krasniqi.
Ajo ka bërë të ditur se motivi dyshohet të jetë një zënkë mes fëmijëve.
“Njësitë relevante policore kanë dalë menjëherë në vendngjarje dhe, në koordinim me prokurorin e shtetit, po ndërmarrin të gjitha veprimet e nevojshme hetimore për zbardhjen e plotë të rrethanave,motivi dyshohet të jetë një zënkë mes fëmijëve”.