Aktori i njohur Laert Vasili ka reaguar pas lajmit tragjik për ndarjen nga jeta të Eldion Kelmendit, vëllait të reperit Gjesti (Besart Kelmendi). Vasili shprehu ngushëllimet e tij të thella, duke thënë se humbja e parakohshme ka tronditur jo vetëm familjen, por edhe të gjithë ata që e njohin artistin.
Në një postim prekës në rrjetet sociale, Vasili shkroi: “Ndarja nga jeta e vëllait të Besartit, në një moshë kaq të hershme, na ka tronditur të gjithëve. I shpreh ngushëllimet e mia më të sinqerta Besartit dhe familjes Kelmendi për këtë humbje të madhe e të papritur.”
Një video e shpërndarë në internet tregon Vasili-n duke përqafuar Gjestin dhe duke e puthur në ballë, si një gjest mbështetjeje në këto momente të vështira.
Detaje mbi aksidentin fatal
Ngjarja e rëndë ndodhi pasditen e së premtes në fshatin Qungur të Pejës. Eldion Kelmendi, vëllai i vogël i Gjestit, humbi jetën në vendin e ngjarjes pas një përplasjeje të fortë mes një motori dhe një veture. Një person tjetër, me inicialet K.B., pësoi plagë të rënda dhe po merr kujdesin mjekësor në Spitalin Rajonal të Pejës.
Banorët e zonës kanë treguar për momentet e para pas aksidentit dhe kanë kërkuar nga autoritetet të zbardhin plotësisht rrethanat e ngjarjes. Ndërkohë, vetë Gjesti, i cili gjatë “Big Brother VIP Albania” ka folur shpesh për lidhjen e ngushtë me vëllain, ende nuk ka bërë një reagim publik.
