Tiranë – Raportohet për një sherr të ashpër dhe të papritur mes dy moderatoreve të emisionit të mëngjesit në Top Channel, Enxhi Nasufit dhe Neada Muçajt. Edhe pse në ekran treshja e moderatoreve, së bashku me Blendi Salajn, dukej se shkonin mirë, burime të ndryshme flasin për një përkeqësim të situatës pas fasadës së qetë.
Burimi Pamfleti.net raporton mbi një mosmarrëveshje serioze mes dy vajzave. Sipas këtij burimi, situata mes këngëtares së talentuar Enxhi Nasufi dhe Neada Muçaj, e cila u zbulua nga Ledion Liço, ka qenë aq e rëndë sa ka kaluar në përplasje fizike.
Arsyet e sakta të këtij konflikti të rëndë nuk bëhen me dije. Megjithatë, për të arritur deri në konfrontim fizik, dyshohet se duhet të ketë pasur mosmarrëveshje të vazhdueshme dhe situata ka përshkallëzuar duke e tejkaluar konfliktin verbal.
Edhe gjatë transmetimit të ditës së sotme, u vu re një ftohtësi e dukshme mes dy moderatoreve. Moderatori Blendi Salaj raportohet se po përpiqej shumë për të ruajtur një ekuilibër dhe atmosferë pune mes dy vajzave. Mbetet ende për t’u zbuluar se çfarë fshihet pas këtij tensioni të papritur mes figurave publike.
