Pakti i BE-së për Emigracionin dhe Azilin ka hyrë në fuqi ditën e sotme, pasi u miratua në maj të 2024-ës. Ky pakt rishikon kuadrin e bllokut për emigracionin dhe azilin, si edhe formëson qasjen e tij të re ndaj emigracionit, sipas një deklarate nga Komisioni Evropian.
“Për herë të parë, BE-ja ka një kuadër gjithëpërfshirës për emigracionin dhe azilin, me mbrojtje të fortë të kufijve të jashtëm, rregulla të drejta dhe të forta për azilin, si dhe një ekuilibër midis solidaritetit dhe përgjegjësisë”, thuhet në deklaratë.
Duke filluar që prej ditës së sotme shtetet anëtare të unionit do të duhet të zbatojnë plotësisht rregullat në praktikë. Sipas deklaratës pakti synon që të forcojë kufijtë e jashtëm përmes regjistrimit të detyrueshëm dhe kontrolleve të hollësishmetë sigurisë për emigrantët e parregullt që kalojnë kufijtë e BE-së.
Po ashtu synohen t fusten procedura të shpejta kufitare në zonat kufitare për njerëzit të cilët konsiderohen të pamundur të kenë nevojë për mbrojtje, që konsiderohen rrezik sigurie, apo që zbulohen se kanë mashtruar autoritetet.
Pakti prezanton afate më të shkurtra për procedurat e azilit, së bashku me rregulla më të rrepta për aplikimet abuzive dhe ato pasuese.
Gjithashtu, vendos atë që deklarata e quajti një “ekuilibër i drejtë midis solidaritetit dhe përgjegjësisë, me një mekanizëm të përhershëm të detyrueshëm solidariteti dhe një mundësi që Shtetet Anëtare të kontribuojnë në solidaritet në një mënyrë fleksibile”.