Një tjetër lajm i mirë vjen për prindërit e rinj, pasi nga janari i vitit 2026, qeveria Rama do të ndryshojë plotësisht skemën e mbështetjes financiare për të bebet e sapolindura.
Nuk do të ketë më një shumë të menjëhershme në formën e çekut të lindjes, siç ka ndodhur gjatë 6 viteve të fundit, por mbështetja do të jetë në formën e pagesës mujore për çdo fëmijë deri në moshën 5-vjeçare. Skema e re:
》Për fëmijën e parë: 5,000 lekë të reja/muaj (60,000 lekë në vit, 300,000 lekë në 5 vite), nga 40,000 lekë që është aktualisht bonusi.
》Për fëmijën e dytë: 7,000 lekë në muaj (84,000 lekë në vit, 420,000 lekë në 5 vite), nga 80,000 lekë që jepet sot.
》Për fëmijën e tretë dhe çdo fëmijë tjetër pas tij: 10,000 lekë në muaj (120,000 lekë në vit, 600,000 lekë në 5 vite), nga 120,000 lekë që jepet aktualisht si bonus.
Ky model, është më efektiv sepse ndihmon familjet të përballojnë më mirë shpenzimet e përditshme për ushqim, kujdes, shëndet dhe edukim në vitet e para të jetës së fëmijës.