Ditën e nesërme në orën 10 pritet të zhvillohet Asambleja e Partisë Socialiste në Durrës, ndërsa është mësuar një pjesë e agjendës nga mbledhja e nesërme.
Burime për mediat bëjnë me dije se mbledhja pritet të nisë në orën 10:00 dhe fjala hapëse e cila do të zhvillohet me dyer të hapura do të jetë ajo e Sekretarit të përgjithshëm të PS-së Blendi Klosi, i cili më pas do ia kalojë fjalën kryeministrit Edi Rama. Ndërsa më pas thuhet se mbledhja do të zhvillohet me dyer të mbyllura e pritet të zgjasë deri në orën 15:00.
Ditën e nesërme mësohet se çdo drejtues i qarkut do të raportojë për performancën në zonat e tyre.
Gjithashtu bëhet me dije se agjenda parashikon që të zhvillohet një analizë detajuar mbi performancën në zgjedhjet parlamentare në 2025-ën.
Përveç raportimeve për punën e deritanishme, vëmendje do t’i kushtohet edhe zgjedhjeve lokale që do të zhvillohen në vitin pasardhës, në 2027.
Po ashtu nesër do të zbulohet nëse të njëjtët drejtues do të kenë në dorë drejtimin e qarqeve që patën deri më sot apo do të ketë ndryshime.