Një aksident i rëndë me pasojë vdekje ka ndodhur mbrëmje ne sotme në Tepelenë.
Mësohet se një automjet tip furgon është përmbysur në kthesën që të çon në fshatin Salari, Njësia Administrative Kurvelesh, Bashkia Tepelenë.
Aksidenti ka ndodhur në aksin rural Tepelenë-Lopës, ndërsa bëhet me dije se si pasojë ka humbur jetën drejtuesi i furgonit Arjan Ç.
Ende nuk dihen shkaqet dhe rrethanat e aksidentit apo nëse brenda furgonit ka pasur pasagjerë.
Policia rrugore ka shkuar në vendngjarje për veprime të mëtejshme.