Një ngjarje e rëndë ka ndodhur ditën e sotme në Durrës ku një i moshuar raportohet se ka dhunuar fizikisht dhëndrin e tij.
Burime nga grupi hetimor bëjnë me dije se një 91-vjeçar ka dhunuar me sende të forta në kokë dhëndrin e tij 69-vjeçar, i cili mesohet se ka perfunduar ne spital, por pa rrezik per jeten.
Ngjarja e rëndë mësohet se ka ndodhur në fshatin Xhafzotaj, ditën e sotme rreth orës 18:00.
Ndërsa raportohet se të dy kanë pësuar lëndime dhe ndodhen në spitalin rajonal të Durrësit duke marrë ndihmën e nevojshme mjekësore.
Njoftimi i Policisë:
Rreth orës 18:00, në fshatin Xhafzotaj, Durrës, shtetasi M. S., 91 vjeç, dyshohet se ka goditur me sende të forta në kokë dhëndrin e tij, shtetasin R. J., 69 vjeç.
Si pasojë e ngjarjes, të dy shtetasit kanë pësuar lëndime dhe janë transportuar për të marrë ndihmë mjekësore në Spitalin Rajonal Durrës.
Grupi hetimor ndodhet në vendngjarje dhe po punon për sqarimin e plotë të rrethanave të rastit.