Platforma ndërkombëtare e parashikimeve dhe basteve politike Polymarket vlerëson aktualisht me rezultatin 45% probabilitet mundësinë që kryeministri Edi Rama të mos jetë më në detyrë deri më 31 dhjetor 2026.
Sipas tregut të hapur në këtë platformë, skenari do të konsiderohet i realizuar (“Yes”) nëse Rama largohet nga posti i kryeministrit për çfarëdo periudhe kohore nga momenti i krijimit të bastit deri në fund të vitit 2026. Kjo përfshin dorëheqjen, shkarkimin apo çdo formë tjetër largimi nga detyra.
Burimi për verifikimin e rezultatit do të jenë informacionet zyrtare nga Edi Rama dhe qeveria shqiptare, ndërsa në mungesë të tyre mund të merret në konsideratë edhe konsensusi i raportimeve nga media të besueshme ndërkombëtare.
