Situatat e tensionuara në “Big Brother VIP Kosova” duket se po arrijnë kulmin, teksa Alba ka bërë një tjetër veprim që ka tronditur banorët dhe rrjetin.
Së fundmi, në një video që po qarkullon me shpejtësi në TikTok, Alba shihet teksa godet derën e Dhomës së Rrëfimit, duke shpërthyer në nerva dhe duke kërkuar largimin nga produksioni.
Por ajo që po bën më shumë zhurmë është fakti se, sipas pamjeve, “Big Brother” nuk reagon menjëherë ndaj saj dhe në vend të ndërhyrjes, në shtëpi vendoset muzikë, sikur situata të ishte injoruar plotësisht.
Ky moment vjen pas disa ditësh të ngarkuara për Albën, ku ajo është përfshirë në debate të forta, tensione me banorët dhe sidomos pas afrimitetit të Limit me Dolcen, që sipas ndjekësve e ka çuar Albën në një gjendje të rënduar emocionale.
Në rrjet kanë nisur menjëherë komentet: a është kjo një krizë e vërtetë dhe Alba do të largohet, apo thjesht një shpërthim momental nga presioni i lojës?
Tashmë të gjithë po presin reagimin e produksionit dhe çfarë do të ndodhë në orët në vazhdim.