Ky është 56-vjeçari Mikel Ndoj, i cili plagosi sot në Durrës vajzën e tij dhe kolegun e saj. Pas disa orësh kërkim, ai u arrestua nga policia e Durrësit.
Ndoji prej 6 vitesh ishte i ndarë nga familja. Ndarja kishte ndodhur pas dhunës në familje, ndërsa 56-vjeçari ishte larguar në Itali, ku edhe ishte burgosur.
Dy të plagosurit janë dërguar me urgjencë në spitalin e Durrësit, ku mësohet se janë jashtë rrezikut për jetën. Në asfalt kanë mbetur shenjat e gjakut.
Si ndodhi ngjarja?
Krimi ndodhi në rrugë, pranë agjencisë imobiliare ku punonte 24-vjeçarja. I ati, me thikë në dorë i ka shkuar tek puna dhe pasi kanë debatuar e ka goditur në ambientet e jashtme të agjencisë. Ndërsa Memlika, i cili po kalonte rastësisht në rrugë tentoi ta ndaloje Ndojn, por mbeti dhe vetë i plagosur.